2020 жылдың 26 ақпанында Қарағанды қаласының «№53 Жалпы білім беретін орта мектеп-лицей» КММ Абай атамыздың 175 жылдық мерейтойына орай қазақ тілі мен әдебиеті мұғалімі Туралыкова Асемгул Тендиковнаның жетекшілігімен оқытылуы орыс тілінде жүргізілетін 2-4 сыныптар арасында мектепішілік «Абайды оқы, жалықпа!» атты шара өткізілді. Бұл шараның басты мақсаты: дарынды ақын Абай Құнанбайұлының ақындық талантын шәкірт жүрегіне ұялату арқылы мәнерлеп жатқа айтуға , поэзияны сүюге, оны бағалай білуге, оқу дағдысын жетілдіре отырып, рухани танымын кеңейту. Байқауда оқушылар Абай өлеңдерін оқыды, ән салып, би биледі. Байқау «Білімдіден шыққан сөз», «Ұйықтап жатқан жүректі ән оятар» номинациялары бойынша өтті. Әділқазылар алқасы оқушыларды әділ бағалап, мадақтамалармен марапаттады. Сондай-ақ, қазақ тілі мен әдебиеті пәнінің мұғалімі Мейрембаева Жанар Амангелдиевнаның жетекшілігімен «Біз таныған - Абай» атты көрме-байқауы ұйымдастырылды. Қарасаң, көзің тоймайтын көрменің алуандығы мен әсемдігі әділқазылар алқасын тәнті етті. Көрмеге ат салысқан оқушылар да жүлделі орындармен марапатталды.

Шараның аяқталу сәтінде қазақ тілі мен әдебиеті кафедрасының жетекшісі Елубаева Айгүл Нуртаевнаға құттықтау сөзі берілді.