«Ешкім де, ешқашанда да ұмытылмайды»

№53 мектеп-лицей 8 «а» сынып оқушылары мектеп кітапханашысы У.А.Караманова және сынып жетекшісі Ж.С. Дюсекеевамен №12 кітапхананың оқу залындаАуған  жерінен кеңес  әскерінің    шығарылғанына  30  жылдығына арналған  «Ешкім де, ешқашанда да ұмытылмайды» атты тарихи сағатқа қатысты. Кешке арнайы Отан алдындағы азаматтық борышын ауған жерінде атқарған, жерлестеріміз Жакупов Ғалым Тлеубаевич, Семенов Владимир Викторович, Абишев Жетпис Шаймаганбетовичтер арнайы шақырылды.Шара барысында ардагерлер естеліктерімен бөлісті: майдангер жауынгерлердің ерліктеріне тоқталып, Отан алдындағы интернационалдық борыштарын адал атқарып, туған жерлеріне оралып, еңбек майдан шебінде жүргендері жайлы сөз етті. Оқушылар ардагер ағаларына көптеген сауалдар қойып, алған марапаттары жайлы біліп, олардың өмірлерінен шынайы оқиғаларды қызыға тыңдады.Шара өте танымды өтті.