Кітапхана.№53 ЖББМЛ.Ұлыстыңұлы күні - Наурыз шығыс халықтарында жыл басы мерекесі ретінде тойланып, ерекше күн ретінде аталып өтіледі. Қазақ халқы да Наурыз мерекесін айрықша бағалап, оны жыл сайын тойлап отыруды салт-дәстүрге айландырған. Наурыз шығыс елдері үшін бірліктің, татулықтың, еңбектің, ізгіліктің, бақыттың мерекесі ретінде тойланған. 15 наурызда 6 «а» сынып  «Наурыз -  мерекем, құт берекем!» атты мерекелік кеш №12 балалар кітапханасының оқу залында өткізілді. Залды көркем суретті панномен, баннермен, шарлармен, гүлдермен безендірдік. Іс-шарада ұлы мереке Наурыз мейрамы жайында түсінік беріп, қазақ халқының салт-дәстүрлері жайлы сұрақтарға балалар белсенділікпен жауап берді. Мерекелік кеште ойын және танымдылық түрінде Наурыз мерекесінің ерекшеліктерін, салт-дәстүрлері және  әдеп-ғұрыптарымен таныстырып өттік. Наурыз тойына балаларда өз үлестерін қосып, мерекелік кешті ән айтып, би билеп, жыр жолдарын оқып өнерлерін көрсетті. Айтамбетова Рыскелді «Наурыз жыры», Сәкенқызы Гүлім «Айналайын» әндерін тамылжыта шырқап, Айтмағамбет Нұрислам «Балбырауын» күйін  нақышына келтіріп орындады. Балалардың назарына  «күлдіргі жұмбақтар» ұсынылды. Кешке  қатысушылар жұмбақты шешуде өздерінің ұшқыр ойларын көрсетіп, білімдерін жетілдірді. Қазақтың ұлттық «Ақ сандық, көк сандық», «асық ату», «қоржындағы сұрақтар» ойындары ойнатылды.