26.02-7.03.18. жұлдызы аралығында ЖББ 81 орта мектебінде бастауыш сынып оқушыларымен  «Жас тілшілер» конкурсы жарияланып сайыстың өтілу тәртібі ілінген болатын.Бүгін 12.03 күні оқушылардың шығармашылық жұмыстарының қорытындысы шығып, көптеген оқушылар марапатталды.Таңертеңгілік  салтанатты жиынды мектеп директоры Г.Б.Аимбетова өзі ашып ,  балалар қолымен жасалған әсем туындылармен  таныстыра  келіп,балғын тіл иегерлерін  шабыттандыра құттықтап сәттілік тіледі  Бұл сайыс бірнеше кезеңнен жоспарланған болатын:Өз өлеңін(төл туындыларын) шығарып,мәнерлеп оқу. Мақал-мәтел. Ситуациялық жағдайларға байланысты қызықты әңгімелер. Түрлі еркін тақырыптарға мақала. «Оқу шаттығы»жобасы аясында керемет тақырыптарға буклеттер әзірлеу.Ребус,сөзжұмбақтар,шытырман сөздер.Қазақтың қасиетті сөздігіне шолу арқылы тіл ұстарту жұмыстары  тапсырылған. Барлық оқушылар мен ата аналар  өте жоғары белсенділік  танытып  қызықты  шығармашылық жұмыстарын алға тартты. Оқушылардың өлең шығару қабілеті мен мәнері,  өнері кәдімгі ақындарша өте керемет болды.  Осындай игілікті тәрбие шараға мектебіміздің оқу-тәрбие ісінің меңгерушілері  А.М.Султанбекова мен Г.Т.Балтабекова қатысып,болашақтағы жас тілшілерге шексіз алғыстарын жаудырды.

Осындай Еліміздің жырын жырлап, Қазақ елін рухтандырар ақындарымыз көбейіп, өркендей берсін!

«Жас тілшілер» сайысын  ұйымдастыруға ұйытқы болған: мектепішілік «Бал-Бала» үйірмесінің  жетекшісі әрі газет редакторы Кизирова Мария Абылкасымона.