2025-2026 оқу жылында "Келешек мектебі"жобасы бойынша 200 мыңнан астам оқушы орны ашылады
Елімізде Мемлекет басшысының бастамасымен 460 мың оқушы орнын құру көзделген "Келешек мектебі" ұлттық жобасын іске асыру жалғасуда.
2024 жылдың қорытындысы бойынша жаңа форматтағы 105 мектеп пайдалануға берілді, ал 2025 жылдың соңына дейін тағы 112 мектеп іске қосылады деп жоспарлануда. Осылайша, жаңа оқу жылында қосымша 206 мың оқушы орны құрылады.
Жоба аясында салынған мектептер өткен жылдардағы типтік ғимараттардан айтарлықтай ерекшеленеді. Олардың жалпы ауданы 15-20% - ға, ал техникалық жабдықтау деңгейі төрт есе жоғары. Әр мектепте робототехника кабинеттері, STEM-зертханалар, хореография залдары, коворкинг-аймақтар және төрт спорт залы қарастырылған.
Ұлттық жоба аясында барлығы 460 мың оқушыға арналған 217 мектеп салу жоспарлануда.
Авторство:
2025-2026 оқу жылында "Келешек мектебі"жобасы бойынша 200 мыңнан астам оқушы орны ашылады
