Қарағанды облысында білім беруді дамытудың оқу-әдістемелік орталығының 08.05.2025ж. №111 бұйрығының негізінде №81 жалпы білім беретін мектептің қазақ тілі мен әдебиет мұғалімдері Абугалиева М.Н. мен Акогузова С.С. бірлесе «Оқушылардың бірін-бірі бағалаудағы топтық жұмыстың тиімділігі» әдістемелік құрал негізінде тәжірибе таратып, қорытындылады. 22.05.2025ж.сағат 12:00-де Абай ауданының қазақ тілі мен әдебиет пәнінің мұғалімдеріне, сағат 14:00-де Шахтинск қаласының, сағат 16:00-де Саран қаласының мұғалімдеріне шеберлік- сынып өткізді.
Шеберлік - сынып барысында қатысушылар әдістемелік құралдың теориялық мазмұнымен танысып қана қоймай, оқушылардың сөйлеу мәдениеті, қарым-қатынас дағдыларының қалыптасуы, үлгерімі төмен оқушыларды оқу ортасына тарту мәселелері қарастырылды.
Критериалды бағалаудың әділ әрі шынайылығына ерекше мән беріліп, өзін-өзі, бірін-бірі бағалау, тиімді кері байланыс беру дағдыларын қолданудың жеңіл әрі нәтижелі қолдану жолдары ұсынылды.
Шеберлік сабақ өз мақсатына толық жетіп, білім беру сапасын арттыруға бағытталған жаңашыл әдістермен бөлісу алаңына айналды. Әдістемелік құрал мұғалімдердің кәсіби құзыреттілігін арттырып қана қоймай, оқушылардың оқу мотивациясын, әлеуметтік және коммуникативтік дағдыларын дамытуда таптырмас ресурс ретінде танылды.

https://www.instagram.com/reel/DKEbcoLq_ZK/?utm_source=ig_web_copy_link&igsh=MzRlODBiNWFlZA==