№81 ЖББ орта мектепте 2013 жылдың 29 қарашасы күні сағат 12.00-де «Қорғаншы күні» мерекесі ұйымдастырылып, өткізілді. Мерекеге арнайы шақырылған қорғаншылар мен қорғаншылықтағы балалар, сондай-ақ мектеп мұғалімдері мен оқушылар қатысты. Мерекелік концерт барысында балалар қайырымдылық, махаббат, отбасындағы достық туралы өлеңдер оқып, шақырылған қонақтарға алғыс сөздерін жеткізді. Біздің мектептің музыкалық ұжымы екі тілде «мейірімді жанның» жан  сұлулығы туралы ән шырқады.

        Қорғаншыларға біздің мектептің ОТІ жөніндегі орынбасары Мазурина Валентина Ивановна  балаларды тәрбиелеудегі ата- ана қамқорлығы мен көмегінің маңыздылығы туралы айта кетіп, қорғаншыларға зор алғысын білдірді.  Ол салтанатты түрде қорғаншы ата-аналарға алғыс хаттар мен мадақтамалар тапсырды.

Мерекелік концерттің қорытынды кезеңінде қонақтар сахнаға шақырылып, оларға сөз берілді, естелікке суретке түсті. 

Сондай-ақ біздің мектептің 4 оқушысы  мен екі ата-анасы сынып жетекшілерімен және әлеуметтік педагогпен  біріге отырып балалар мен жеткіншектер сарайындағы қалалық шараға,  «Қорғаншы күні» мерекелік концертіне  белсене қатысты.