2013 жылдың 23 қыркүйегінде  №81 ЖББ орта мектепте Қазақстан халықтарының тілдер күні мерекесіне орай «Тілім-тірегім» атты шара  өткізілді. Шараны қазақ тілі мен әдебиеті мұғалімдерінің әдістемелік бірлестігі ұйымдастырды. Бұл іс-шарада Қазақстан жерінде тұратын барлық халықтардың тілдері қадірленетіні айтылып, мектебіміздің өнерлі оқушылары оны әсем әндерімен, шабытта оқыған өлеңдерімен өрнектеді. Мысалы, 6 «Ә сынып оқушылары  Еренғайыпова М., Аметова Ж., Дүйсенбекова Г., Шайкен С., 9 «Ә» сынып оқушысы Амантай Б., сондай-ақ, 5-ші сынып оқушысы Айтбай Е. өз шығармашылығынан тіл туралы өлеңдерін оқыса, Иран А., Есеналиева А., Кеңес Ә. қазақтың ұлы ақындарының шығармашылығынан өлеңдерді көрермендерге жеткізді.     Мемлекеттік тілдің жоғарыда тұратыны айтылып, орыс тілінде оқытылатын сыныптың Евтодьев Д., Лаисцева М., Луцкая К. сияқты оқушылары қазақ тілін дәріптеді. Исабеков Жантөре болса шараны күймен әрледі.

     «Қазақ тілі – мемлекеттік тіл, орыс тілі – ғылым мен білім игерудің тілі, ағылшын тілі-инвестиция, инновация тілі. Тек үшеуінің үйлесіміне қол жеткізу керек» деп Елбасымыз айтқандай, біздің мектептің оқушылары осы тілдерді үйренуге барлық күш –жігерлерін салады және барлық халықтардың тілдерін құрметтейді. Бұл шараның басты мақсаты осы ойды оқушылардың бойына сіңіру болатын.