28.02.2023 жылы "Қарағанды қаласы Білім бөлімі" ММ, «№81 жалпы білім беретін мектебі» КММ директордың тәрбие ісі жөніндегі орынбасары С.Т. Еликбаеваның ұйымдастыруымен «Өнегелі өмір» жобасы аясында жетістік пен табысқа жеткен тұлғаның іс-тәжірибесі арқылы жас ұрпаққа кәсіби бағыт-бағдар беру мақсатында қоғам қайраткері, қайырымдылық бойынша ерікті, Қарағанды облыстық қоғамдық кеңестің мүшесі, бюджет бойынша комиссия төрайымы, Қарағанды облысы әкімі жанындағы Әйелдер істері және отбасылық- демографиялық саясатының комиссия мүшесі, кәсіпкер Қиясова Айжан Казимировнамен кездесу өтті. Кездесу барысында оқушылар көктемнің алғашқы күні 1-наурыз "Алғыс айту" күнімен құттықтап, 10 В сынып оқушысы Пикашев Владислав өз шығармашылығынан қазақ халқына арнаған "Алғыс" өлеңін оқып, оқушылар өздерін толғандырған сұрақтарын қойды. А.К. Киясова өз тарапынан ризашылық білдіріп, оқушыларға бірнеше классика жанрындағы кітаптар сыйлады.