2013 жылдың 2 наурызыкүні мектепте қазақ тілі мен әдебиеті апталығының жабылуына орай қазақ тілі мұғалімі Г.Қ.Шәкәрімова “Жүзден жүйрік»білім сайысын өткізді. Қазақ тілі бойынша өткізілген бұл сайысқа орыс тілінде оқытылатын 2-ші «В» және «Г» сыныптарының оқушылары қатысты.  Білімді оқушылар сайыс барысында 5-айналымда бақ сынасты. Қызықты додада оқушылар өздерінің қазақ тілі бойынша алған білімдерін жақсы көрсете білді. Бұл сайысқа қатысқан Марчук А., Гревцева А., Круглов К., Базылева К., Захарова С., сондай-ақ, Афанасьева Э., Зеленая К., Пропп В., Дегтяров Н., Шабаева Д. тапқырлық пен жылдамдықты, ой ұшқырлығын таныта білді. Жанкүйерлер де өте жақсы қолдау көрсетті. Жарыста оқ бойы оза шапқан 2-ші «В» сыныбының «Достық» тобы І орынға ие болса, 2-ші «Г» сыныбының «Жалау» тобы ІІ орынды қанжығасына байлады. Олар мақтау қағаздарымен марапатталып, шағын сыйлықтар табыс етілді.  Сайыс соңында олар «Жүзден жүйрік» әнін қосыла шырқап, әсем билерімен көрерменді тәнті етті.