2013 жылдың 8 ақпаныкүні №81 ЖББ орта мектепте 4 «Ә» сынып оқушысы Айтбай Ералының «Балғын жырым-бақытым» атты алғашқы өлеңдер жинағының тұсаукесер кеші болып өтті. Бұл кеште Ералы көрермен қауымға өзінің тырнақалды туындыларын шабыттана оқып берді.

         Кешке Қарағанды қаласының танымал ақыны Қайрат Асқар шақырылды. Ол жас ақынға шығармашылық табыс тілеп, үлкен биіктерден көріне беруіне тілектестігін білдірді. Мектеп әкімшілігі де жас ақынды құттықтап, қолдау білдірді. Бастауыш мектептің өнерлі оқушылары концерттік бағдарлама дайындап, кештің көркін аша түсті. Сыныптастары да Ералыға толағай табыстар тіледі.