2012 жылдың 6 қазаны  сенбі күні №81 ЖББ орта мектепте Мұғалімдер күніне арналған «Өзін-өзі басқару күні» ұйымдастырылып, өткізілді.

              Біздің мектепте аталған шараны өткізу дәстүрге айналған. 10-11 сынып оқушылары пән мұғалімдерімен біріге отырып өз сабақтарын жоспарлап, әзірледі (мақсаты, міндеттері, сабақтың барысы). Одан кейін 2-10 снып оқушылары үшін дайындаған сабақтарын жүргізді.

             11-ші сынып оқушылары мектеп мұғалімдеріне арналған сабақтарын өте қызықты, мазмұнды және танымдық деңгейде өткізді.

               Бұл шараның әсерлі және есте қалған сәті мұғалімдерге арналған жалпымектептік жиын болды, онда мектеп директоры Дәметкен Бегалиновна өзінің «директорлық міндетін» атқаруды 11- сынып оқушысы Жаркешов Бекнурға тапсырды және оқушылардан құралған уақытша әкімшілік құрамы хабарланды.

              «Мұғалімдер күні» атты мерекелік концертке біздің мектептің ұстаздар қауымы, зейнеткер мұғалімдер, ықшамауданда тұратын және осы мектептің ардагер мұғалімдері шақырылды.