29.11.19 ж Қарағанды қаласындағы жалпы білім беретін 81 орта мектебінде 11 сынып оқушыларының қатысуымен ҚР Тұңғыш президенті күнін мерекелеуге арналған "Қазіргі Қазақстан Елбасы Көшбасшылығының сабақтары" тақырыбымен ашық сабақ өтті. Сабақтың қонағы Евней Бөкетов атындағы Қарағанды мемлекеттік университетінің "Қосымша білім беру факультеті деканы, Қарағанды қалалық мәслихатының депутаты Калыков Абай Кобландиевич, мектеп директоры құттықтау сөздерін айтты. Оқушыларға ізгі тілектерін білдірді. Ал өз кезегінде 11 сынып оқушылары Ұлт көшбасшысының Қазақстан республикасының тәуелсіз мемлекет болып қалыптасуы мен дамуындағы рөлі туралы дайындаған бағдарламаларын ұсынды. Қонақпен сұқбаттасып, көңілдерінде жүрген сұрақтарына жауап алды. "Уақыт капсуласы" толтырылды. Капсуланың ішіне бүгінгі күннен келешекке хат жазылып салынды. Сабақтың соңында шараның қонағы Калыков Абай Кобландиевич мектеп ұжымына, сынып оқушыларына алғысын білдірді және өткізілген сабақтың оқушылар бойында Қазақстан лық патриотизмді, белсенді азаматтық ұстанымды, көшбасшылық қасиеттерді тәрбиелейтін шара болды деп санайтынын айтты.