26- қарашада «Өнегелі өмір» жобасы аясында №81 мектебімізде төл газетіміз «Орталық Қазақстан» тілшілері: директор - бас редактордың орынбасары - Ахат Құрмансейітовпен, кадр, қоғамдық ұйымдармен байланыс және жарнама бөлімінің меңгерушісі - Төлеу Ерғазы Қадашұлымен және мәдениет, руханият, әдебиет және жастар саясаты бөлімінің меңгерушісі - Жәнібек Әлиманмен кездесу өтті.
Кешті мектеп директоры Токанова Татьяна Багдатовна ашты.
Кездесу барысында жоғары сынып оқушылары журналистика саласына байланысты сауалдар қойып, тұжырымды жауаптар алды. 
Кеште домбырадан күй шертіліп, әуенді әндер де тыңдалды.
Мектеп кітапханашылары Асем Темірбекқызы мен Ғалия Серікқызы мектеп ұжымының «Орталық Қазақстан» газетіне үнемі жазылатынын айтып, тілшілерге шығармашылық табыс тіледі.
Оқушылар аға буыннан саналы дәріс алып, көкейлеріне салиқалы ой түйіп тарасты.