Қазақстан Тәуелсіздігінің 20 жылдығына орай, біздің мектепте желтоқсанның 13-14 жұлдызында 9-11  сынып оқушылары арасында «Қазақстан халықтарының достық фестиваль» ұйымдастырылды.  

Аталған шараның мақсаты -  оқушылардың  басқа ұлт өкілдеріне деген құрмет сезімін арттыру, олардың мәдениетіне, өнеріне, салт-дәстүріне деген қызығушылықтарын ояту еді, яғни әртүрлі ұлт өкілдерін бір шаңырақ астына не  біріктіретінін ұғындыру, азаматтық пен патриоттыққа тәрбиелеу болатын.

Бұл фестиваль Қазақстан Республикасы халықтарының әртүрлі қауымдастық өкілдерінің өнері мен мәдениетін қамтыды. Фестивальге қатысу үшін алдымен әр сынып ҚР тұратын ұлтты таңдады. Орыс, өзбек, неміс, әзірбайжан, корей халықтарының рөлін сомдаған оқушылар сол халықтың ұлттық киімдерін киді. Олар қазылар алқасы мен қонақтарға сол тілде  амандасып, музыкалық нөмірлерді көрсетті. Әрқайсысы таңдаған халықтарының ұлттық тағамдарын дайындап, барлығына дәм татқызды.

Ұлттық салт-дәстүрлерді көрсеткен нөмірлер өте қызықты да, тартымды болды.

Бірінші орынды бірнеше сынып бөлісті: 10 Ә, 11 Ә, 11 Б, 9 Ә, 10 Б сыныптары.

Екінші орынды 10А, 11А, 9В сыныптары еншілесе,  9 А, 9Б сыныптары үшінші орынды қанағат тұтты.

Фестиваль соңында мектеп әкімшілігі барлық сыныптарды ҚР Тәуелсіздігінің 20 жылдығына орай ұйымдастырылған шараларға белсенді қатысқандары үшін алғыс білдіріп, мадақтамалармен марапаттады.