2011 жылдың 23 қыркүйегінде «Күз сыйлары» атты дәстүрлі мектепішілік қайырымдылық жәрмеңкесі өз деңгейінде  өткізілді. Жәрмеңкеге 3-11  сынып  оқушылары қатысты.

Жәрмеңкеде ағаш, кептірілген жапырақтар мен гүлдер, жемістер мен көкөністер сияқты табиғи материалдардан жасалған қолдан істелген заттар сатылды. Сондай-ақ жарқырай жайылған үстелдерде торт, бәліш, шелпек, бауырсақ сияқты  неше түрлі пісірілген нан өнімдері болды. Өз бақшаларында өсірілген көкөністер де дастархан көркін аша түсті.  Аталған жәрмеңкеге оқушылардың ата-аналары, әжелері мен аталары атсалысты. Әрбір сынып өздерінің жәрмеңке үстелдерін күзгі әшекейлерімен безендірді. Көңілді әуен әуезімен қызу сауда жүріп жатты. Балалар өз тауарларын жарнамалап, сатып алушыларды өздеріне тартуға бар ынталарын салды.

Ерекше безендіріліп, әсемделген тәттілер, тосаптар, жемістер, көкөністер сатып алушылардың назарын тартпай қоймады, мұғалімдер мен ата-аналар балалардың қиялы мен талантына еріксіз тәнті болды. Оқушылар, ата-аналар, ұстаздар қолжетімді бағадағы тағамдарды, көкөніс, жемістерді түк қалдырмай сатып алды.

4 «А» сыныбы, сынып жетекшісі Авдеева Наталья Михайловна,  өз дайындықтарымен ерекше көзге түсіп, үздіктердің қатарына енді. Бұл сыныптың оқушылары қызықты костюмдер киіп, шағын қойылым қойды. Яғни шараға бар ынталарын салып дайындалғандары байқалып тұрды. Бузук Марина Дмитриевнаның 3 «А» сыныбы да 4 «А» сыныбынан қалыспады, бұл екі сынып та «Күз сыйлары» жәрмеңкесінде бірінші орынға ие болды.            Екінші орынды 4 «Б» сыныбы иеленді, сынып жетекшісі Султанова Елена Анатольевна,  5 «Д» сыныбы да аталған орынға ие болды, сынып жетекшісі Жантемирова Айнур Болатовна. Ал үшінші орын  7 «В» және 5 «Ә» сыныптарының еншісіне түсті. Сынып жетекшілері Канатчикова Галина Ярославовна және  Кабдиева Жанар Сагадибековна.

Әрбір сыныптан түскен жарна қайырымдылық бағытында жұмсалады: ықшам ауданға бекітілген ардагерлерге, жалғызбасты қарттарға, олардың мерекесі қарсаңында сыйлықтар беріледі.