22 ақпан күні мектебімізде ұстаздар арасында «Елбасы Жолдауы – ел назарында» тақырыбында жиын өтті.Жиынның мақсаты: Қазақстан Республикасының Президенті Нұрсұлтан Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» тақырыбындағы Қазақстан халқына Жолдауын талқылау.Жиын отырысында мектебіміздің тәрбие орынбасары Н.Р.Муханбетжанова жаңа Жолдаудың ел өміріндегі маңыздылығына тоқталып, Адами капитал – жаңғыру негізі басымдығы бойынша жан-жақты толық мәлімет жасады.Елбасының сындарлы саясатының арқасында Қазақстан әлемдегі түрлі сынақтарға төтеп беріп, қарқынды экономикалық даму жолына бет алғанын, еліміздің 2050 жылға дейінгі ұзақ мерзімді Даму стратегиясы жүзеге асырылып, жүз нақты қадам Ұлт жоспары аясында реформалар қарқынды жүргізіліп, индустрияландыру саласын өркендету үшін жүйелі жұмыстар атқарылып келе жатқанын, конституциялық реформаны жүзеге асырып, еліміздің Үшінші жаңғыруын бастағанын, рухани жаңғыру бағыты бойынша кешенді іс-шаралар жүргізіліп жатқанын және «Цифрлық Қазақстан» бағдарламасы қабылданғанын айта келіп, биылғы жолдауда алдағы негізгі 10 міндетті айқындағанына тоқталып, Жолдаудың бағыттарына шолу жасады.Жиын соңында Жолдауда көрсетілген басымдықтар бойынша талқылау жүргізілді. Талқылау барысында мұғалімдер оң пікір білдіріп, өз ойларымен бөлісті.Жиынды қорытындылай келе қатысушылар ҚР Президентінің Жолдауы еліміздің одан әрі даму жолына мақсатты және айқын бағытталған бағдар алатындығы жөнінде ортақ пікірге келді.