Өнімді жасауға бір топ жергілікті және шетелдік мамандар жұмылдырылған, олардың ішінде журналистер, фотографтар, видеооператорлар, дизайнерлер, бағдарламашылар, жалпы - 80 адам мен 33 мемлекеттік және жеке ұйым бар.

Заманауи және интерактивті үлгіде еліміз туралы жан-жақты ақпарат алуға мүмкіндік беретін «Қазақстан - Ұлы Дала Елі» қосымшасы жөнінде не білеміз? Бұл қосымша - құрамында Қазақстан туралы бірегей кешенді ақпарат жиналған сандық технологиялар саласындағы алғашқы өнімдердің бірі. Қосымшада қолданылған көптеген фотосуреттер мен бейнематериалдар эксклюзивті болып табылады және де бұған дейін жарияланбаған. Әзірлеуші әр материалдың техникалық және көркемдік сапасына жоғары талаптар қойған. Қосымша Windows, Apple, Android  жүйелеріне негізделген құрылғылардың барлық түрлері (ұялы телефондар, планшеттер, ноутбуктер, компьютерлер) үшін жасалған. Веб-сайт үлгісіндегі нұсқасы да бар.

Барлық құқықтар қорғалған. inform.kz белсенді сілтемені пайдаланыңыз http://www.inform.kz/kz/sandyk-enciklopediya-kazakstan-uly-dala-eli-kosymshasy-zhoninde-ne-bilemiz_a3021484Қазақстандықтар үшін бұл қосымша Отанымыз туралы кешенді тақырыптардың кең ауқымын қамтитын нағыз сандық энциклопедия болып саналады. Тұтастай алғанда, қосымша 10 бөлімнен тұрады: география, тарих, қоғам, мәдениет, мемлекет, халықаралық қатынастар, экономика, туризм, Астана және «ЭКСПО-2017». Отандық дипломаттар қосымшаны шетелдік әріптестерімен кездесулер мен презентациялар барысындағы ақпараттық-имидждік жұмыстарда, шетелдегі отандастар мен қазақ диаспорасының арасында тарата алады. Шетелдіктерді, әсіресе, Қазақстандағы туризм мен инвестициялар және «ЭКСПО-2017» көрмесі туралы материалдар қызықтырады.

Барлық құқықтар қорғалған. inform.kz белсенді сілтемені пайдаланыңыз http://www.inform.kz/kz/sandyk-enciklopediya-kazakstan-uly-dala-eli-kosymshasy-zhoninde-ne-bilemiz_a3021484Қосымша қазақ, орыс және ағылшын тілдерінде жарық көрді. Еске сала кетейік, 2016 жылғы 20 маусымда Қазақстан Республикасының сол кездегі сыртқы істер министрі Ерлан Ыдырысовтың халық  алдында есеп беру кездесуі барысында «Қазақстан - Ұлы Дала Елі» сандық технологиялар саласындағы жаңа өнімнің таныстырылымы өтті. Сандық қосымшаны таныстыру кезінде Е. Ыдырысов атап өткендей, жаңа өнім ҚР Сыртқы істер министрлігі атқарған ақпараттық-имидждік жұмыстың нақты жемісі және Бес институционалды реформалар аясында атқарылатын «100 нақты қадам» Ұлт Жоспарының шеңберіндегі 87-қадамды жүзеге асыруға елеулі үлес болып табылады. Қосымшаны AppStore және Play Market арқылы жүктеуге болады. Ол үшін іздеу жолағына - Kazakhstan Land of the Great Steppe енгізу қажет.

Тікелей сілтемелер: AppStore - https://itunes.apple.com/ru/app/kazakhstan-land-great-steppe/id1117366063?l=en&mt=8 Play Market - https://play.google.com/store/apps/details?id=ro.siveco.kazakhstan