Қараша айының 15 күні 6 «ә» сыныбында  «Ел ертеңі – есірткісіз болашақ»тақырыбында ашық тәрбие сағаты өтті.  Мақсаты:Есірткі заттарының, ішімдік ішу мен темекі тартудың, нашақорлықтың жас ағзаға тигізер зиянды әсері, өкінішке ұрындырар, келешек  өмірлеріне келтірер кесапаты  туралы түсінік беру. Ғасыр дертіне айналып отырған кеселдің залалын жан-жақты меңгерту. Зиянды әдеттерден аулақ болып, өзін де, өзгені де зиянды әдеттердің қасіретінен қорғай білуге, салауатты  өмір   сүруге тәрбиелеу.                              

      Оқушылар «Егер мен аудан әкімі болсам, есірткінің аудан көлемінде таралудың алдын алу үшін не істер едім?» деген сұрақ төңірегінде өз пікірлерін, көзқарастарын жоба түрінде қорғады.                           

       «Ғасыр тағдыры үшін, күресейік!» тақырыбында  эссе жазып, «Темекіден түтін сорсаң улайсың,өзіңді-өзің» тақырыбында суреттер салып ,өз ойларын ортаға салды.

      «Ауырып ем іздегенше, ауырмайтын жол ізде» деген данышпан халқымыз. Өмірімізді ұзарту да, қысқарту да өз қолымызда.

Өмірге адам бір ақ рет келеді,
Жастық шағың өміріңнің кемелі.
Күте білсең саулығыңды өрелі,
Табиғаттың бергеннен көп берері.
-Яғни, адам бақытты болу үшін оған денсаулық керек, ал денсаулықтың кепілі – салауаттылық. «Тіршіліктің негізі – салауатты болашақ» деген ой түйіндеп, қорытынды жасады.