2017 жылдың 26 ққазанында Қарағанды қаласы Әлихан Бөкейхан атындағы №76 жалпы білім беретін орта мектебінде «Латын әліпбиі-тіл тазалығының кепілі» тақырыбында дөңгелек үстел өтті. Іс-шараның мақсаты – Қазақ тілінің латын әліпбиіне көшірілуі туралы Елбасы  жолдауына қолдау көрсету, тіл болашағы туралы ой тастау.

     Іс-шараға  «Болашақ» академиясы, қазақ тілі мен әдебиеті кафедрасының меңгерушісі, профессор Сембиев Құрманғазы Зәкірұлы,  ардагер ұстаз, ардагерлер қоғамының төрағасы Суханберлин Ошақбай, Білім басқармасы  жанындағы қоғамдық кеңес мүшесі, ардагар ұстаз Тілеуғалы Әміртайұлы, «Өрлеу» БАҰО АҚ, аға оқытушы Cмағұлова Ғазиза Ғабдоллақызы,  Қарағанды облыстық соты, судья, қоғам белсендісі Азбанбаев Марат Ақторғайұлы  Н.В.Гоголь атындағы Қарағанды облыстық әмбебап ғылыми кітапханасының кітап қорын сақтау бөлімінің басшысы Оспанқұлова Балжан Зейнелқызы, қалалық білім бөлімінің әдіскері Жаркеева Гүлназ Бекетқызы және Қарағанды қаласы мектептерінің ұстаздары мен Әлихан Бөкейхан атындағы №76 ЖББОМ 10-11 сынып оқушылары қатысты.  

     Шара басында қонақтармен таныстырып өткен  мектеп директоры, модератор Абылай Армияұлы дөңгелек үстелдің мақсат, міндеті жайлы түсінік беріп,  латын графикасы туралы жалпылама пікірімен бөлісті.

        Мектеп оқушылары көкейлерінде жүрген сұрақтарын қойып, қазақ тілінің латын әліпбиіне көшуін толыққанды қолдайтындықтарын айтып, ойларымен бөлісті.

   Іс-шара «5 телеарнасында» көрсетіледі және газеттерде жарияланады.