Қазіргі уақытта латын әрпін қолдану, ең алдымен, уақыт талабы болып отыр. Сондықтан да заманауи технологияларға тәуелді екенімізді мойындап, кез келген жаңа дүниелермен санасуымыз керек. «Бұл үдеріс жақсы дайындықты және ойластырылып жүргізілуді қажет етеді. Біз қазақ тілінің мәртебесін, қазақ тілінің тазалығын ойлауымыз қажет! Негізі қазақтың тілі жұмсақ, үнді, мәдениетті тіл. Кейбір әріптердің ана тіліміздің әуезін бере алмауына байланысты тіліміз өзінің бастапқы қалпын жоғалтып жатыр. Осы орайда біз латын әліпбиіне көшуіміз керек. 
Латын әліпбиіне көшу жөнінде түсіндірме жұмыстарын жүргізу мақсатында Әлихан Бөкейхан атындағы №76 ЖББОМ “Латын әліпбиіне көшу – уақыт талабы” атты дөңгелек үстел өткізілді. Іс-шара барысында Латын әліпбиіне көшудің ең басты қажеттілігі, қазақ тіліндегі сөздердің айтылуындағы өзгерістер, ұтатын және ұтылатын тұстары талқыланды. Дөңгелек үстелге10-11 сынып оқушылары және қазақ тілі мен әдебиеті, тарих, орыс тілі мұғалімдері арасында  пікірсайыс түрінде отіп, әркім өз ойын еркін жеткізіп,  қатысушылар ойларын ашық айтуға толық мүмкіндік алды.