Шмакова Күміс Қамарияқызының оқушылары Республикалық Махамбет оқуларында бас жүлде, «Ақберен» ІІІ Республикалық шешендік білгірлік сайысы бағытында «Сөз шебері» номинациясы бойынша Қожа Ахмет Ясауи атындағы Халықаралық қазақ-түрік университетінін тегін білім алу грантын иеленді.

         2016 жылы облыс әкімінің сыйақысына өз педагогикалық еңбек нәтижелерін ұсынып, «Кәсібіне адалдығы үшін» номинациясын жеңіп алған Қарағанды қаласы Әлихан Бөкейхан атындағы №76 жалпы білім беретін орта мектебінің қазақ тілі мен әдебиеті пәнінің мұғалімі Шмакова Күміс Қамарияқызы өз іс-тәжірибесімен бөлісу және жас мамандарға үлгі-өнеге көрсету мақсатында 2017 жылдың 21 ақпанда 7- сынып оқушыларына әдебиет пәнінен Қасым Аманжоловтың «Өзім туралы» тақырыбында онлайн сабақ өткізді.

           Сабақ ақын Қасым Аманжоловтың өмір соқпағы, шығармаларын талдау, «Өзім туралы» өлеңінің тақырыбы мен идеясын ашу, өлеңдегі ақын сезімі, ақынның суреткерлік шеберлігін ашу, оқушыларды көркем сөйлеуге, өлең жолдарын мәнерлеп оқуға және келешек ұрпаққа Отансүйгіштік, патриоттық тәрбие беру мақсатына өтті.

           Онлайн сабаққа облыстың 68 мектеп ұжымы қатысып, жарыссөз арқылы ой-пікірлерімен бөлісті.