Мектебімізде 9 ақпан күні Білім беру ісінің үздігі, Ыбырай Алтынсарин атындағы төс белгісінің, Абылай ханның 300 жылдығына арналған алтын медаль иегері, саналы ғұмырын жас ұрпаққа білім беру ісіне арнаған Тілеуғалы Әміртайұлы Әміртаевтың еңбек жолына арналған «Талабы мен еңбегі екі жақтап...» тақырыбында кездесу кеші болып өтті.Кездесу кешіне Білім басқармасынан, облыстық қоғамдық кеңестен, ардагерлер кеңесінен, қалалық білім бөлімінен құрметті қонақтар шақырылып, ұлағатты ұстазға арнаған ыстық ықыластарын ортаға салды.Ұлағатты Ұстаз Тілеуғалы Әміртайұлымен кездесу кешінің екінші бөлімі мектеп мұражайында жалғасын тапты. Мұнда мектеп іргетасын қалауда аянбай еңбек етіп, Әлихан бабамыздың есімін алуына үлес қосқан абзал азаматқа арналған «Ұлағатты ұстаз, абзал азамат...» тақырыбында бұрыштың салтанатты ашылу рәсімі өткізілді.
Байланыс телефондары
