Мектебімізде  21 қаңтаркүні  сағат 12.00-де Қарағанды облысы білім басқармасының басшысы А.Аймағамбетовтың төрағалығымен онлайн режимде облыстық ата-аналар жиналысы өткізілді.

Жиналысқа 182 ата-ана қатысып, өздерінің көкейде жүрген көптеген мәселелерін ортаға салды.

Жиналыстың күн тәртібіндегі  сұрақтар төмендегідей болды:

1.​  «Қауіпсіз балалық шақ»:

-​ Интернеттің қаупі қандай және балаларды қажет емес ақпараттан қалай қорғаймыз;

-​ Балаларды жол қауіпсіздігімен қалай қамтамасыз етеміз;

-​ Біздің балаларымызды дәстүрлі емес діни ағымдардан қалай қорғаймыз?

2. Білім берудің жаңартылған мазмұны дегеніміз не және жалпы орта білім беру жүйесінде қандай өзгерістер орын алуда?

- Биылғы жылы ҰБТ қалай өткізілмек?

- Edumark қосымшасымен және электронды күнделікпен қалай жұмыс істеу керек;

- «Айқын» тестісі не үшін өткізіледі;

- Мектеп оқушыларына үй тапсырмаларын берудің дұрыс тәсілі қандай?

3. Мектептің қамқорлық кеңестері қалай жұмыс істеу керек және оның негізгі міндеттері қандай?

Білім басқармасы басшысының қатысуымен онлайн режимде өткен   жиналыста ата-аналар көптеген сұрақтарға жауап алып, жаңартылған білім туралы көзқарастарын да білдірді.  Сонымен бірге жоғарыда айтылған күн тәртібіндегі мәселелердің барлығы ортада қызу талқыланып, әр түрлі пікірлер айтылды.