Құрметті оқушылар!

1-ші желтоқсан Қазақстан Республикасының Тұңғыш Президенті күніне орай мектеп кітапханасы 30 қараша мен 5 желтоқсан аралығында «Біздің Елбасы» кітап көрмесін ұйымдастырады

Кітап көрмесіне Қазақстан Республикасының Тұңғыш Президенті Н.Ә.Назарбаевтың еңбектері, оның өмірі туралы, қоғам қайраткері ретіндегі еңбегі туралы очерктер мен естеліктер енді. Атап айтқанда, көрмеге қойылған кітаптардың ішінде Президентіміздің қатысуымен мемлекет ішінде және шет елдерде өткен басты іс-шаралар жайлы, сондай-ақ Н.Ә.Назарбаевтың аса маңызды баяндамаларының мәтіндері, түрлі анықтама материалдар қамтылған: 1990 жыл мен 2009 жыл аралығындағы сериялық басылымдар, Н.Назарбаевтың «Сындарлы он жыл», «Бейбітшілік кіндігі», «Тарих толқынында», «Ғасырлар тоғысында», «Еуразия жүрегінде» атты кітаптарымен және «Егемен Қазақстан» газетінің 2016ж № 212-№218 сандарында жарияланған Н.Ә.Назарбаевтың «Ұлы дала ұлағаттары» атты еңбектерімен танысуға болады. Түрлі тақырыптарды қамтитын ой-толғаныстар жинақтала келе Президенттің тұлға, мемлекет қайраткері және саясаткер ретіндегі философиялық ұстанымын айшықтап қана қоймай, сонымен бірге қазіргі Қазақстанның біртұтас тарихи бейнесін құрайды. Кітапхана қорынан Нұрсұлтан Назарбаевтың бұған дейін жарық көрген «Туған елім – тірегім», «Өзекжарды ойлар», «Ой бөлістім халқыммен», «Мыслями с народом поделюсь», «Кемеңгер» атты жинақтарын және жоғары да атап көрсетілген кітаптарын алып оқуға болады.

Келіңіздер, көріңіздер, оқыңыздар!