Бүгін мектебімізде кезекті «Оқушы,мұғалім және ата-ана» тақырыбында ата-аналармен кездесу өтті.

Кездесу мектеп директоры А.А.Жалеловтың өткен оқу жылы қорытындысы мен жаңа оқу жылының іс-жоспарларымен таныстырудан басталды.Мектеп басшысы мектепішілік тәртіп ережелерімен таныстыра келіп,оқушылармен бірге мектептегі ата-аналар ролінде сөзге тиек етті.Оқушыларымыздың қауіасіздігі,оның ішінде ақпарат қауіпсіздігі де бүгінгі таңдағы өзекті мәселенің бірі.Осы мәселе бойынша директордың ақпараттық бөлімінің орынбасары К.М.Алдияров «Ғаламтор қауіпсіздігі» тақырыбындағы баяндамасын БІЛІМАЛ электронды мектеп жүйесімен таныстырудан бастап,бүгінгі жастарымызды ұялы телефон мен ғаламтор көздерінен келіп жатқан зиянды ақпараттардан қорғау,жастарымызға дұрыс бағыт көрсету мәселелерін мысалдармен түсіндіріп өтті.Сөз кезегін мектеп директорының тәрбие істері бойынша орынбасарлары Б.Қ.Исайнова мен А.Жапбарқұловалар мектептегі тәрбие істері мен үйдегі тәрбие жұмыстары,тамақтану мәселесі және ата-ананың мектептегі ролінің маңыздылығы туралы баяндамалар жасады.Кездесу  барысында ата-аналар комитеттерін сайлау мен олардың міндеттері мәселесі де оң шешімін тапты. Кездесу соңында ата-аналар тарапынан өздерін қызықтырып жүрген сұрақтарына жауаптар берілді.