Қазіргі таңдағы білім саласында, жүргізіліп жатқан реформаның басты мақсаты – ой-өрісі жаңашыл, шығармашылық деңгейде қызмет ете алатын, дүние - танымы жоғары, білімдік бәсекеге қабілетті жан – жақты қалыптасқан жеке тұлға тәрбиелеу болса, сондықтан мұғалімдердің алдында жаңа міндет: балалардың жеке қабілеттілігін, дарындылығын, бейімділігін анықтау және оны дамыту, соның негізінде олардың болашағына бағыт беру, өз заманының озық өнегесін санасына сіңіру. «Маған жақсы мұғалім бәрінен де қымбат, өйткені мұғалім мектептің жүрегі» деген Ыбырай атамыз. Ұстаз өмірдегі басты тұлға. Балаға ата – анадан кейінгі ақыл – ой, адамгершілік, эстетикалық, сана – сезімдік, дене тәрбиесі мен ұлттық тәрбие сіңіруші адам – мұғалім. Биылғы Ә.Бөкейханның 150 жылдығы қарсаңында біздің мектептің оқушыларының алған белестері мұғалімдерді қуантуда. Мектебіміздің 11 –сынып оқушысы Тоқтамұратов Ж, 9-сынып оқушысы Михуля Юрий, 5-сынып оқушысы Жанайдарова Амина [сынып жетекшісі: Ахмет Гүлбақша Төлегенқызы ] және 3-сынып оқушысы Жақанова Ғалия [сынып жетекшісі: Жуманбаева Алмаш Абдикадыровна ] 2015-2016 оқу жылы өздерінің оқуда, ғылыми жұмыстары мен олимпиадалық жетістіктерінің арқасында «Қазақстанның үміт артарлары, Надежды Казахстана» атты Қазақстанның алдыңғы қатардағы оқушылары деген атпен Республикалық жинаққа енді. Оқушыларымызға білім жолындағы шығар шыңдарыңыз биік болсын демекпіз!!!!