Әлихан Бөкейхан атындағы №76 жалпы білім беретін орта мектебінде ҚР Тәуелсіздігінің 25 жылдығына және Әлихан Бөкейханның 150 жылдығына арналған "Әлихан-Тәуелсіздік жаршысы" атты жас ақындардың жыр мүшәйрасы өз мәресіне жетті.

   Қалалық білім бөлімімен бірлесе ұйымдастырылған мүшәйраға қала мектептерінің жас ақындары қатысты.

   Барлығы қала мектептерінің оқушыларынан 180 ге жуық өлең іріктеліп, сарапшы мамандардың шешімімен 80 ге жуық өлең жинаққа енгізілді және ІІІ кезеңге 15 жас ақынның өлеңі лайықты деп табылған болатын.

   Жүзден жүйрік шыққан 15 ақынның әділ бағасын Руслан Нұрбай, Айтбай Жұмағұлов, Дидар Қамиев сынды әйгілі ақындар анықтады.

   Мүшәйраның бас жүлдесіне Тухтамуратов Жангелді ие болды.

  Бас жүлдегерге арнайы дипломмен бірге мүшәйра демеушісі Білім меценаты Бекзат Алтынбековтың тағайындаған қаржылай сыйлығы тапсырылды.

   Сыйлықты әйгілі ақын, "Орталық Қазақстан" газетінің бас редакторының орынбасары Ерсін Мұсбеков табыстады.

   Қалалық білім бөлімінің басшысының орынбасары Р.А.Кенешова, профессор, "Тұлғатану" орталығының директоры Нұрсахан Ахметқызы жастарға өздерінің жүрекжарды ақ тілектерін білдірді.

   Мектеп директоры А.А.Жалелов келген қонақтарға алғысын айтып, алғаш рет жарыққа шығып отырған "Әлихан-Тәуелсіздік жаршысы" атты жинақтың тұсауын кесті.