Бүгін мен бар сырымды ақтарамын,
Алашым рухынан бақ табамын.
Мектебім Әлиханның атын алған,
Сол есіммен мәңгілік мақтанамын.
Қазақтың бірегей ұлы Әлихан Бөкейханның 150 жылдық мерейтойы қарсаңында өткізіліп жатқан іс-шаралар жалғасуда.
Қаңтар айының 28 жұлдызы күні Қарағанды қаласында алаштың ардақты азаматтарының қатысуымен конференция ұйымдастырылды. Конференция ІІ бөлімде өткізілді.
Алдымен пленарлық мәжіліспен басталған іс-шара, Әлихан Бөкейхан атындағы №76 ЖББОМ-дегі кездесумен жалғасын тапты. Кездесуге Астана қаласындағы «Алаш» мәдениет және рухани даму институтының директоры,әлихантанушы Сұлтанхан Аққұлұлы, Л.Н.Гумилев атындағы Еуразия Ұлттық университетінің филология ғылымының докторы, профессор Жұмағұлов Сағымбай Ботпайұлы,
Л.Н.Гумилев атындағы Еуразия Ұлттық университетінің «Алаш» мәдениет және рухани даму институтының ғылыми қызметкері- Қайырбек Кемеңгер, Е.А.Бөкетов атындағы ҚарМУ «Тұлғатану» ғылыми-зерттеу орталығының ғылыми қызметкері-Жұмағұлов Айтбай Ботпайұлы, «Сарыарқа дарыны» аймақтық ғылыми-әдістемелік орталығының директоры-Сыздықов Мейіржан секілді ағаларымыз қатысып, оқушылардың көкейкесті сұрақтарына жауап берді.
Ел ағаларымен кездесуге Әлихан Бөкейхан мектебінің оқушыларынан басқа, Н.Нұрмақов атындағы мамандандырылған мектеп-интернатының, Жамбыл атындағы мамандандырылған мектеп-интернатының, №92 мектеп-гимназиясының, Қазақ-түрік лицейінің, №41 мектеп, М.Жұмабаев атындағы мектептердің оқушылары да қатысып қонақтарға сұрақтар қойып, өз пікірлерін ортаға салды.
Авторство:
