17 қараша күні «Өзін – өзі тану» пәні мұғалімі Муханбетжанова Нургуль Рысбекқызы педагогтарға арналған «Жалпыадамзаттық құндылықтар – мектептің тұтас педагогикалық үдерісінің негізі» тақырыбында семинар өткізді.  

    Семинардың мақсаты мұғалімдерге тұтас педагогикалық үдерістің негізі ретіндегі жалпыадамзаттық құндылықтардың мәнін ұғындыру. Жоспар бойынша алдымен «Өзін-өзі тану» рухани-адамгершілік білім беру Бағдарламасының психологиялық-педагогикалық негіздеріне тоқталды. Келесі мәңгілік жалпыадамзаттық құндылықтар кезеңінде: құндылықтар жүйесінің жіктемесінің үш түріне, соның ішінде абсолюттік жалпыадамзаттық құндылықтар – ол уақытқа бағынбайтын, ешқандай ортамен, қоғаммен шектелмейтін, бүкіл адамзат үшін маңызы зор құндылық екенін түсіндірді. Кейін ақиқат, сүйіспеншілік, дұрыс әрекет, ішкі тыныштық, қиянат жасамау құндылықтарын жеке-жеке ашып айтты. «Өзін-өзі тану» жалпыадамзаттық құндылықтарды пәндердің мазмұнына интеграциялау кезеңінде интеграция туралы, интеграциялаудың жолдары, білім берудің екі аспектісіне тоқталды.