Educational organizations of the education department of the city of Karaganda - "Ә.Бөкейхан атындағы жалпы білім беретін мектебі" - «Аяулы мектебім, ардақты ұстазым» атты соңғы қоңырау мерекесі өтті....

To main
"Ә.Бөкейхан атындағы жалпы білім беретін мектебі"

Learning the Kazakh language

«Аяулы мектебім, ардақты ұстазым» атты соңғы қоңырау мерекесі өтті....

26.05.2015 | "Ә.Бөкейхан атындағы жалпы білім беретін мектебі"

25 мамыр күні «Аяулы мектебім, ардақты ұстазым» атты соңғы қоңырау мерекесі өтті....

Түлектер мәңгі жалында,

Еліңнің ойла қамын да.

Қазақтың елі бақытты,

Сендердей ұрпақ барында.

Жүректен шығып тәтті үнің,

Толқитын нағыз шақ бүгін.

Қоңырау үні естілер,

Көңілдің басып шаттығын.

Шумақтармен басталған салтанатты мереке,бітірушілер мен ата-аналардың,ұстаздардың және мектепке жаңа қадам басқалы отырған жас бүлдіршіндердің коңілдерін бір сергітіп тастағандай болды.Өйткені бүгін,осыдан 11 жыл бұрын мектеп табалдырығын алғашаттаған бүлдіршіндер міне, ақ қанат аяулы ақ ордасынан қалықтап ұшқалы тұр. Иә, бұл күн, әсіресе «Соңғы қоңырау» мерекесіне соңғы рет жиналып отырған, балалық шақты артқа тастап, санаулы күндерден кейін орта мектепті бітіру туралы аттестат алып, жаңа өмірге қадам басқалы тұрған 11 сынып оқушылары үшін мәңгі есте қаларлық күн екені рас. Бұл күн – мектеп тарихында, мектеп бітіруші түлектер есінде мәңгі өшпейтін күн. Міне тағы бір оқу жылы аяқталып, біздің мектебіміздің 40 түлегі бүгінгі салтанатты жиында балалықпен, алтын ұя мектебімен, аяулы да мейірімді ұстаздарымен қоштасқалы тұр.

Өмірде өлшенбейтін іс – балаға берген білімің, мейірімің, қамқор пейілің. Ол –болашақ. Болашақтың бүр жарған сабағына құйған білім нәрің мәңгілік. Осынау мәңгілік борышты ауырсынбай, аянбай, өзімнің адамгершілік парызым, қала берді әкелік қамқорлығым деп түсінген мектебіміздің директоры Жалелов Абылай Армияұлы алғашқы құттықтау сөзін сөйледі.

Сонымен қоса, Қалалық,Облыстық,Республикалық спорт жүлдегерлері аталып,оларға қошеметтер көрсетілді.

Салтанатты мерекені балдырғанды,

Ғұлама білгіш ғалымнан

Оқушы жас жалыннан

Жазушыдан, ақыннан

Ел қорғаған батырдан

Мың бұралған бишіден

Ой тербетекен күйшіден

Оқыған жас кәріден

Оқушының бәрінен

Түлектерге мың сәлем!!! Деген тілектермен жалғастырды.

Ұстаздардың Ұлағатын ұстанып,

Армандарға қанат самғап көріңдер.

Айдын көлде сағынады құстарын,

Аз жылдан соң кездесуге келіңдер,-деп түлектерді шығарып салдық!

Сонаң соң,түлектер мен ата-аналары

«Атаңнан мал қалғанша тал қалсын» дейді қазақ. «Түлектер аллеясына» ағаштар отырғызу рәсімі жүргізілді.

Бізде,түлектеріміздің алдыңғы өмірі тек қана гүлдене берсін, қадамдарына гүл бітіп, Ұлттық Бірыңғай Тестінен жоғары ұпайлармен өтсін деген ақ тілектер тілейміз-дейді ата-аналар ұжымы.

Авторство: