15.05 күні мектебімізде 15 мамыр отбасы күніне және темекіге қарсы күрес айлығына арналған «Отбасым, мектебім және мен, Қазақстан-елім егемен» тақырыбында ата-аналарға арналған ашық есік күні өтті.

   Таңертеңгілік саптық жиын ұйымдастырылып, одан кейін Қ.Аманжолов атындағы музыка мектебінің мектебіміздегі филиалының есеп беру концерті өткізілді. Концертке мектебіміздегі осы филиалда дәріс алып жүрген өнерлі оқушылар қатысып, өздерінің жыл бойғы не үйренгенін ортаға салды. Балаларының өнерлеріне тәнті болған ата-аналар қауымы да риза болды.

  2-сыныптар арасында «Әкем, шешем, мен және ұстазым» тақырыбында отбасылық көңілді эстафета сайысы өткізіліп, ата-ана, оқушымен біргелікте сынып жетекшілері де қатысты.

  2 «А» сыныбы жүзден жүйрік атанып бас бәйгені жеңіп алды. Ал, қалған 2-сыныптар ІІ-ІІІ орындарды қанжығасына байлады.

  Сайыстан кейін кітап жәрмеңкесі ұйымдастырылып, ата-аналар келесі оқу жылының кітаптарын арзан бағада сатып алып, кейбірі үйдегі кітаптарын саудаға салып мәз-мейрам болысты.

   Жәрмеңкенің аяғы ата-ана мен ұстаздардың мерекелік бас қосуына ұласып, концерттік бағдарламамен бірге көкйде жүрген мәселелер талқыланды.  Келесі жылға деген жоспарлар туралы сөз қозғалып, жазғы сауықтыру лагері жайлы да айтылды. Ашық есік күнінің соңында ата-аналар қауымы іс-шараны ұйымдастырған мектеп әкімшілігіне алғыстарын айтып тарасты.