Әлихан Бөкейхан атындағы №76 ЖББ орта мектебінде 14.12.2013ж. күні сағат 12.00-де  Тәуелсіздігіміздің 22 жылдық мерей тойы қарсаңында  «Тәуелсіз Қазақстаным менің» атты мерекелік ІІ бөлімнен тұратын іс шара өткізілді.  Мектебіміздің тәрбие ісі жөніндегі орынбасары Сая Сатберегеновна мен дене тәрбиесі пәнінің мұғалімі Болат Ойраттың  жүргізуімен концерттік іс - шара өз мәресінде  өтті. Іс – шараның І – ші бөлімін  мектебіміздің  қазақ тілі және әдебиет пәнінің мұғалімі Акишова Арайлым  Ш   «Қазақстаным алға» әнін шарықтата шырқап бастаса, балалар Хор ұжымы «Көк тудың желбірегені » және «Егемен Қазақстан» әнін жоғары деңгейде патриоттық  сезіммен орындады. Музыка пәнінің мұғалімі Хажай Сауленің ұйымдастыруымен 5-7 сыныптар аралығында эстетикалық өнер апталығының жабылуына орай ІІ-ші  бөлімді патриоттық әндер байқауымен жалғастырды. Байқауда  бас жүлдені 5 «б» сынып оқушысы Мақсат Нүрлан иеленсе,  І орынды 5 «а» сыныбынан Абдрайсилова Диана,  ІІ орынды 5 «а» сынып оқушысы Оразалиева Оксана ,  ІІІ орынды  6 «в» сынып оқушысы  Куренбаева Мадина  иеленді.