2013 жылдың 21 қарашасында Октябрь ауданының ардагерлер кеңесінің жоспарыныа сәйкес, діни экстремистік ағымдағы адасушылықтың алдын алу мақсатында ардагерлер кеңесінің мүшелері Төкім Бөлеубай Мекешұлы , Өзібек Исатайұлы Бимендин ,Балақажы мешітінң бас иманы Махмуд қажы,Ұлы Отан соғысының ардагері Қарсыбеков Жұмабек Қарсыбекұлы мектеп оқушыларымен кездесу өткізді. Алғашқы сөзді Ұлы Отан соғысының ардагері Жұмабек ата алды.Сөзінде өзінің балалық шағындағы көрген қиыншылықтарды айта кетіп, қазіргі заманмен салыстырды. Жидебай мен Абай кездесуінен сыр шертіп, өскелең ұрпаққа өсиет айтты. Балақажы мешітінің имамы Ислам дінінің қасиеттілігіне тоқталып, Қазақстан халқы дәстүрлі дін ұстайтынын айтты. Октябрь аудандық ардагерлер кеңесінің мүшесі Ө.И.Бимендин өсіп келе жатқан ұрпақ тәрбиесіне жанашырлықпен қарайтынын оқушыларға арналған сөзінде көрсетті. Оқушылар көкейлерінде жүрген сұрақтарына жауап алып ризашылығын білдірді. Кездесу өте жақсы деңгейде өтті . Оқушылар мен мұғалімдер қауымы жақсы әсермен тарасты.