Қазақстан Республикасының Тәуелсіздігі күні қарсаңында өткізіліп жатқан “Әнім саған , Қазақстан” патриоттық әндер челленджіне Әлихан Бөкейхан атындағы ЖББМ ұжымы өз үлесін қосты.

Челленджді Ахмет Байтұрсынов атындағы мектеп-гимназиясына жолдаймыз.

Аңсаумен өтті жастығым, бала ғұмырым,
Сағынатынмын сары даланың мұң үнін...
Сенің арқаңда серпінін сездім сенімнің,
Бақ болдың маған Тәуелсіздігім -тұғырым!

Жат жерде жүріп арманнан қала салғанмын,
Қиялмен кезіп арайын алтын таңдардың.
Өзің келгелі өзектен кетті өкініш,
Айналамдағы әдемілікті аңғардым.

Алыста жүріп аңсаған жанның бірі едім,
Сыртыңнан ғана сезетін сені жүрегім...
Қолымнан ұстап, жетелеп келген жеріме,
Тәуелсіздігім! Не деген ғажап, Ұлы едің!

Мәңгілік болшы! Жаңғырып көрші, киелім!
Мен дағы бүгін ағыттым жырдың тиегін...
Қазақ боп туған бабаларымнан айналдым,
Қазақпын деген адамның бәрін сүйемін!

Тәуелсіз елім! Тағдырдың жаңа айт әнін!
Әлемнің бәрі жаңарып жатыр, байқағын...
Қиындықтардан қаймықпай батыл бас қадам,
Қасиет қонған, О, менің Ұлы байтағым!

Шаттықтың жыры жүректе тұрсын жаңғырып,
Биікке самға, басқаның бәрін таң қылып!
Ғасырлар бойы сағына күткен сабазым,
Тәуелсіздігің болсыншы , қазақ, МӘҢГІЛІК!

Айнұр Жаппарқұлова

#біртұтас_тәрбие
#тәуелсіздіккүні #оқуағартуминистрлігі