Әлихан Бөкейхан атындағы ЖББМ-де мектеп директорының тәрбие орынбасары Б.К.Исайынова мен мектеп педагог-психологы Л.С.Әбдірахманның ұйымдастыруымен "Буллингтың алдын алу" тақырыбында 8-11 сынып қыздарымен кездесу өтті. Жиынға Әлихан Бөкейхан ауданы ЖПҚБЮПТ-ның полиция капитаны Н.М.Мақатова мен ЖПҚБЮПТ-ның учаскелік инспекторы, полиция аға лейтенанты Т.С.Имантаев қатысып "Буллингтың,құқықбұзушылықтың алдын алу" тақырыбында баяндама оқыды. Полиция қызметкерлері қазіргі қоғамдағы құқықбұзушылықтың себеп-салдарын, жасөспірімдер арасында кеңінен тараған заң бұзушылықтың, қылмыстың ахуалын мысалдар ретінде келтірді және қылмыс істегені үшін жауапкершіліктердің түрлерін түсіндірді. Оқушылар көкейлерінде жүрген сұрақтарын қойып, оған толыққанды нақты жауап алды.