Әлихан Бөкейхан мектебінде, 30 жылдық мерейтойына орай бүгін 3 кабинет, 1 жасыл бұрыш ашылды...Әлихан Бөкейхан мектебі әрқашан ел алдында жүретін білім ұйымдары қатарында.Биылғы жылы 30 жылдық мерейтойын пайдаланып, түлектеріміздің арқасында мұғалімдер, оқушылар және ата-аналар үшін осындай керемет сыйлық жасауды жөн көрдік...

КОВОРКИНГ орталығы

Мұғалімдердің шығармашылығын дамытып, идеяларына қанат бітіру мақсатында осындай орталық дүниеге келді.
Мотивация беретін кітаптармен, әдеби жинақтармен, жаңа технологиялармен жабдықталған бұл кабинетте біздің мұғалімдер талай жоспарлар құрып, мектептің атын биіктерге шығарады деп ойлаймын.
ОТБАСЫЛЫҚ ҚҰНДЫЛЫҚТАР КАБИНЕТІ
Ата-әжелер, әкелер, аналар мектебі және "Қаһарман" ұлдар клубы мен "Тұмар" қыздар клубы бірлесіп жұмыс атқаратын кабинет тұнып тұрған ұлттық тәрбие екендігін келіп көрсеңіз болады...
ЖАСТАР ЖӘНЕ МОДЕРНИЗАЦИЯ КАБИНЕТІ
Қарағанды облысында білім беруді дамытудың оқу-әдістемелік орталығы жанынан ашылған "Жастар зертханасының" филиалы жас мамандардың болашаққа бағдар жасайтын орнына айналады деп үміттенемін! Бұл жерде "Әлихан айнасы" жаңалықтар орталығы да бірге жұмыс істейді.
"ЖАСЫЛ ӘЛЕМ" БҰРЫШЫ
Қызыл кітапқа енгізілген жануарлар, Қазақстанда бар Менделеев кестесінің элементтері, өсімдіктер әлемі, жер-су атаулары және әлем картасы өрнектелген бұрышта біздің оқушыларымыз өздерінің жаратылыстану бағытындағы білімін жетілдіріп, Әлихан Бөкейханның орман шаруашылығы бойынша зерттеген жұмыстарымен танысады.
Концерттік бағдарлама да өз деңгейінде өтті. Мектептің экс-басшылары, ардагер ұстаздар мен түлектер, Қарағанды облысында білім беруді дамытудың оқу-әдістемелік орталығының директоры Абдикерова Бакытгул Химальдиновна, Аманат партиясы, Қарағанды қаласының әкімдігі, облыстық мәслихаттың депутаты, біздің түлегіміз Ғабдолла мырза, Әлихан Бөкейхан ауданының әкімдігі, ата-аналар өз алғыстарын айтып, құттықтау тілек жолдады.
Бүгін сондай-ақ, мектебіміздің ұлағатты ұстаздары түрлі марапаттарға ие болды және 3 мұғалім "Нәтиже" сүт фабрикасының директоры Ерлан Әшім мырза, 6 мұғалім Аманат партиясы, Бекзат Алтынбеков ағамыз тағайындаған ақшалай сыйлық алды. Жарулла Акишев ағам өзінің қолдауын білдіріп, демеуші болды