Қазақ тілі мен әдебиеті пәнінің мұғалімі Жапбарқұлова Айнұр Тұрғанбекқызының ұйымдастыруымен "Абай және Тәуелсіздік" тақырыбында 5-7 сыныптар арасында мәнерлеп оқу байқауы өтті. Байқауға жас кәсіпкер Миров Олжас Нұрланұлы демеушілік жасап, жүлделі орын алған оқушыларға ақшалай сыйлық және түрлі басқа да сый-сияпаттар, диплом, грамоталар табыстады.
Байқауды өткізудегі мақсат Абай өлеңдерінің тәрбиелік мәнін насихаттап, мағынасын түсіндіру және қалалық "Абай оқуларына" баратын мықты оқушыны таңдау болатын.
Қалалық "Абай оқуларына" 7 "Б" сынып оқушысы Амантай Кәусар жолдама алды. Сонымен бірге, бас жүлде дипломы мен ақшалай сыйлыққа және рюкзак толы тәттілерге, Айнұр Жарбарқұлованың "Ай дидарлы арманым" жинағына ие болды.
1 орынды 7 "Ә" сынып оқушысы Жақанова Әлия жеңіп алса, 2 орынды 5 "В" сынып оқушысы Нығмет Рамазан еншіледі.
3 жүлделі орынға 6 "В" сынып оқушысы Серікбай Жібек ие болды.
Барлық қатысқан оқушыларға мадақтама берілді.
Жүлде алған оқушыларға сыйлықтармен бірге Айнұр Жапбарқұлованың өлеңдер жинағы табысталды.
Тәуелсіз елдің жастары, Абай жырларынан сусындап, ұлттық құндылықтарды дәріптеп өсіп келе жатқанын көріп, риза болдық.
Байқауға 5-7 сыныптардан 15 бала қатысты.
Мереке құтты болсын!
Авторство:
"Абай және Тәуелсіздік" тақырыбында 5-7 сыныптар арасында мәнерлеп оқу байқауы өтті.
