Қарағанды облысы бойынша 5 мектепте Әлихан Бөкейханның есімі берілген екен (Ақтоғай, Балқаш, Шахтинск, Теміртау, Қарағанды). Қарағанды облысы білім басқармасының және Қарағанды облысында білім беруді дамытудың оқу - әдістемелік орталығының идеясымен 2020 жылы «Әлихан мектептерінің альянсы» құрылды.
2021 жылдың 27 қарашасы күні «Әлихан мектептерінің альянсы» аясында өткен жиынның бірінші кезеңінде кіріспе сөзді Қарағанды облысы білім беруді дамытудың оқу – әдістемелік орталығының директоры Абдикерова Бақытгүл Хималдиновна бастап, Алаш арысы Әлихан Бөкейхан туралы терең ойын Қазақстан Республикасының Тәуелсіздіктің ұлы тойымен ұштастыра білді.
Жиынның екінші бөлімі «Өнегелі өмір» жобасында кездесуге келген Ебней Арыстанұлы Бөкетов атындағы Қарағанды университеті, тарих факультеті деканының ғылыми жұмыстар жөніндегі орынбасары, PhD докторанты Смағұлов Нұртас Бірлікұлы байланысқа шығып, Әлихан мектептері оқушыларымен «Әлихан Бөкейхан – Азаттық жаршысы» атты тақырыпта сұхбат құра білді.
Жиынның қорытынды кезеңінде Ұлт көсемі Әлихан Бөкейханның тұлғалық, мемлекетшілдік, рухани тұрғыдан үздіксіз зерттеу, зерделеу, насихаттау керектігі баса айтылды.
Авторство:
