"Өнегелі өмір" жобасында қонақта — "Арқа ақшамы" газетінің бас редакторы, Дәуітәлі Стамбеков атындағы сыйлықтың иегері, "Тәңір таңбасы" атты кітаптың авторы,  Ғабдолла Тоқай атындағы түрік әлемінің жас ақын — жазушылары фестивалінің дипломанты, ақын Жанат Жаңқашұлы. 

 

2021  жыл  - тарихи  оқиғаларға  толы : себебі,   жыр алыбы     Жамбыл Жабаевтың – 175 жылдығымен, Қазақтан шыққан тұңғыш құқық  магистрі    Жақып Ақбайдың  145 жылдығымен, белгілі математик, қазақ шекарасының тұтастығы үшін аянбай күрескен Әлімхан Ермектің  130 жылдығымен,  Қазақ   поэзиясының көрнекті өкілдері: дауылпаз ақын   Қасым Аманжоловтың 110 жылдық және қазақ  поэзиясының  Хантәңірі атанған  Мұқағали  Мақатаевтың   90  жылдығымен,  ең басты құндылығымыз  Қазақстан  Республикасының 30 жылдық  тойымен, өздеріңіз  білім  алып отырған  Алаштың  ұлы  көсемі Әлихан Бөкейханның 155 жылдық   ұлы  тойымен    тұспа – тұс  келіп отыр!

   Қарағанды   облысының  білім  басқармасының  идеясымен    былтырғы    оқу   жылынан   бастап   «Өнегелі  өмір»  жобасы іске  асуда.   Жобаның мақсаты -  қазақ елінің дамуына үлес қосып жүрген, Қарағанды  өңірінің  айтулы тұлғаларының  өнегелі  өмірін  насихаттау, кездесулер өткізу.