Кузембаев Мартбек Қайркенұлы басқарып отырған Қарағанды облысы білім басқармасының Қарағанды қаласы білім бөлімінің "Әлихан Бөкейхан атындағы жалпы білім беретін мектебі " КММ ұстазы Аманкүл Пішенбайқызы
2021 жылдың 5 наурызында Ұлт көсемі Әлихан Бөкейханның туғанына 155 жыл толу мерейтойы қарсаңында қазақтың ұлы қайраткеріне арнап өз шығармашылығынан 1 өлең ұсынады.
Осы арт- челленджді жалғастыруды 36 мектептің ұстаздарынан сұраймыз.
Ескерту: шығармашылық арт- челлендждің аяқталу мерзімі 20 наурыз 2021 жыл
Әлихан Бөкейханның туғанына
Жеткен кезде қазаққа жұт кеселі!
Жібермеген жат жерлік жұртқа есені!
Ұлы Дала жерінің өмірлікке,
Ұранына айналған Ұлт көсемі!
Бұршақ жауып, соққанда дауыл деген!
Араласып қаламен, ауылменен!
Жағаласып салмақсыз жеңілменен!
Жеңілмеген ешқашан, жеңілмеген!
Жүректегі жігермен, сенімменен!
Елім деген тек қана, жерім деген!
Еңкейткісі келгенге еңкеймеген!
Басынбақшы болғанға берілмеген!
Алдамақшы болғанға алданбаған!
Жалдамақшы болғанға жалданбаған!
Коммунизм елесі кезіп жүрген,
Тағдырына тексіздің таңданбаған!
Ұлт дегенде үндемей жүре алмаған!
Ұлтарақтай жері үшін ұрандаған!
Жасына да ешкімнің қарамаған,
Басына да ешкімді шығармаған!
Тасына да таяғын тигізбеген!
Қалың елі - Қазағы емін-еркін,
Отыратын құт мекен үйді іздеген!
Жұлдыз жерге түскенде ағып көктен,
Мәңгіліктің моншағын тағып кеткен!
Қара жердің төсіне қайыспайтын,
Қазағының қазығын қағып кеткен!
Күрең белден құлдилап құлағанда,
Жігер берген жасыған, жылағанға!
Жұмыр жерде жаралған қазағы үшін,
155 жыл бопты Ұлы адамға!
Ей, кешегі Қазақтың бүгінгі Үні!
Ұғын мұны, ұмытпа, ұғын мұны!
Ел ертеңгі бақытқа жете алмайды,
Сен ұмытсаң тарихты, бұрынғыны!
"Әлихан Бөкейхан атындағы жалпы білім беретін мектеп" КММ мұғалімі,
