Шәкіртке ұстаз болу — ірілік, Ұстазға ұстаз болу — ұлылық!

Асқақ аға, ұлпғатты ұстаздың ісі мен ізі! 

 

Қарағанды  облысы  білім  беруді  дамытудың  оқу – әдістемелік  орталығының  ұйымдастыруымен  ZOOM  платформасында «Өнегелі өмір»  жобасы  аясында  ұлағатты  ұстаз, әмбебап  әдіскер, әлихантанушы  Тілеуғалы  Әміртайұлымен  онлайн  форматта  дөңгелек  үстел  өтті. 

«Шәкіртке ұстаз болу – ірілік, ұстазға ұстаз  болу - ұлылық» атты кездесуді Қарағанды облысы  білім басқармасының  басшысы Қожахметова  Гүлсім  Шабданқызы  өз  алғысөзімен  бастап, ардагер  ұстаздың  өмір  жолына  тоқталып, қатысушы  қонақтарға сөз берді. Қатысушылар  тарапынан  сөз алған  белгілі ұстаздар 

С.С. Қонтаев, М. Қырғызбаева , Ғ. Ғабдуллина, Б. Абдикерова  және  «Орталық  Қазақстан» бас редакторы,  арқаның белді  журналисі  Е. Мұсабеков,  белгілі өлкетанушы, әлихантанушы Ш.Мұқан т.б.  қонақтар  өнегелі  өмір  иесі  Тілеуғалы  Әміртайұлының  ұстаздық  ұстанымына , шығармашылығына, сан қырлы  қасиеттеріне  тоқталып,  ағамыздың  жан – жақты  тұлғалық болмыстарын  аша білді. Екі  сағатқа  созылған  кездесу  соңы Тілеуғалы  Әміртайұлының   «Игілікті  істер»  атты  кітабының  тұсаукесерімен  тәмәмадалды. Көпке  айта  жүрер, тағылымы  мол кездесу  болды. Сүбелі  сұхбатты  ұйымдастырған   Қарағанды  облысы  білім  беруді  дамытудың  оқу – әдістемелік  орталығының қызметкерлеріне , кездесуге  уақыт  қатысқан  білім ұйымдарына зор  алғыс  айтамыз!