«Цифрлық әлем» ақпараттық сауаттылықты дамыту апталығы аясында, бүгін мектебіміздің информатика пәні мұғалімдерінің ұйымдастыруымен «Миллион кімге бұйырады?» танымдық ойыны өтті. Ойынға мектеп мұғалімдер ұжымы мен оқушылар қатысты. Екі кезеңнен тұратын ойынды информатика пәні мұғалімі К.М.Алдияров жүргізіп, қатысушыларды іріктеу кезеңдері арқылы таңдап алды. Ойында негізінен Қазақстан тарихы, қазақ салт-дәстүрлері, мәдениетіне арналған сұрақтар болды. Ойын қызықты әрі тартысты өтіп жеңімпаздар мектеп әкімшілігі тарапынан марапатталды.