Бүгінгі ZOOM платформасында өткізілген "Жасөспірімдер арасындағы құқық бұзушылықтың алдын алу шаралары" тақырыбында жасалған баяндамада:
1."Құқық бұзушылық - қоғам өміріне тән дерт. Адам баласы өмір сүрген ортада ол да әрқашан орын алады. Бұл шартты құбылыс. Құқық бұзушылық - заңды, оның қағидаларын құқықтық нормалар жүктеген міндеттерді бұзу, тыйым салынған әрекеттерді жасау. Ол адамдардың іс-әрекеті, қылығы, мінезі немесе әрекетсіздігімен сипатталады. Адам өзінің іс-әрекеті, қылығы арқылы басқа адамдармен, қоғаммен, мемлекетпен қарым-қатынасқа түседі. Заң бұзушылық адамның мінез-құлқы арқылы байқалады. Адамның ой-желісі заңмен реттелмейді. Бірақ қандай да болсын іс-әрекет, мінез-құлық, ойдың, сана-сезімнің қатынасуынсыз жасалмайды. Олар ойдың елегінен өтіп, бақылауында болады. Ақылы дұрыс адамның іс-әрекеті ерік пен ойдың арқасында жүзеге асырылады. Демек, заңды бұзушылық қоғам мен жеке тұлғаларға зиян келтіретін және құқықтық нормаларға қарсы әрекет немесе әрекетсіздік болып табылады".
2."Кибербуллинг - адамды интернетте, әлеуметтік желі мен түрлі мессенджерлерде қорқытып, зорлық көрсету. Кибербуллингке кез-келген адам тап болуы мүмкін. Бірақ бұл тәсілмен шабуыл жасайтындар негізінен кәмелет жасына толмаған мектеп оқушыларын нысанаға алады. Өйткені, қорғансыз балалар қорыққанынан өзіне қысым жасалып жатқаны туралы ешкімге айтпайды. Тіпті ата-анасы мен жақындарына тіс жармай, шабуылшының айтқанынан шықпайды".
3. Дәрігерлер күн сайын ескертетін алдын алу шаралары туралы ұмытпаған жөн. Пандемияның таралуын тоқтату үшін қарапайым қағидаларды сақтау қажет: Мектептерді дезинфекциялық құрал-жабдықтармен қамтамасыз ету, үй-жайларды күнделікті тазалауды жүргізу; Күні бойы, дәретханаға барған сайын жүйелі түрде қолды сабындап жуу немесе тері антисептиктермен тазарту туралы хабарландыру; Мұғалімдер кеңестері, мәжілістерін өткізуді азайту және оларды қашықтықтан өткізу; Жұмыскерлердің үйде оқшаулануы сақталуын қамтамасыз ету;
Ұйым аумағында жапай іс-шаралар өткізбеу туралы ақпараттар берілді.
Авторство:
