Өнегелі өмір иесі.
Зерттеушілер арасында журналист еңбегінің ауырлығын жеті қабат жер астында көмір қазатын бұрғылаушылармен салыстыратындар бар. Оны қисынсыз теңеу деуге келмейді. Күйіп тұрған оқиғаның басы-қасында болуды, қайнаған өмірдің ортасынан «кен қазу» журналистің маңдайына жазылған тағдыр. Мамандықтың талабы мен таңдауы сол болған соң амал жоқ, журналистердің еңбегі жұмыстың сегіз сағатымен шектелмейді. Осындай жауапкершілігі мол маман болуды Әлихан мектебінің "Жас медиа" жобасының мүшелері армандайды. Осыған орай
филология ғылымдарының кандидаты, доцент, академик Е.А.Бөкетов атындағы Қарағанды университеті, журналистика кафедрасының меңгерушісі Рамазанова Жанар Сембекқызымен кездесу өткізуді жоспарладық. Кездесу үшін Жанар Сембекқызына хабарласқанда, "санпин ережелерін сақтай отырып, филология факультетінде кездессек" деп ұсыныс тастады. "Жас медиа" жобасының мүшелері мен жоба жетекшісі Жазира Оралқанқызы үшін үлкен сый болды. Облыстық "Өнегелі өмір" жобасы күннен - күнге қанатын жаюда. Осы жоба аясында өтетін кездесу сүбелі сұхбатқа толы болатынына, болашақ ұрпақ үшін тиімді болатынына сенім білдіреміз!!!
Авторство:
