"Жас дәрігер" жобасы аясында. Әлемде бірнеше ардақты да құрметті мамандықтар бар. Солардың бірі - дәрігерлер. Оларды "ақ желеңді абзал жандар, адам жанының арашасы" деп жатамыз. Оқушылардың дәрігерлік мамандыққа баулу мақсатында Әлихан Бөкейхан атындағы #76 жалпы білім беретін орта мектепте жас  биолог маман Рахметолла Салтанат Қанатқызы "Жас дәрігер" жобасын қолға алуда. Осы қанат қақты  жобаның ауқымды жұмыс жүргізу үшін "Қарағанды жоғары медициналық интерколледжі" мен "Әлихан Бөкейхан атындағы #76 ЖББОМ" арасында ынтымақтастық туралы меморандумға қол қойылды. Арнайы келген аталмыш колледждің директоры Аманжол Нұрбекұлы мен  оқу - тәрбие жөніндегі орынбасары Әсем Амангелдіқызы мектептегі көрнекі орындарды аралап, оқушылармен шағын кездесу өткізді. Кездесуде дәрігерлік мамандықтың қыр - сыры айтылды, кездесу соңында колледж директоры Аманжол Нұрбекұлы өзінің кітабын мектеп кітапханасына тарту етті. Әлихан мектебінен бастау алған "Жас дәрігер" жобасы жүйелі жұмыс жасайтынына сенім білдіреміз және жоба жетекшісі Салтанат Қанатқызына толағай табыстар тілейміз!!!