1 қазан - Қарттар күні!!!
Құрметті ақсақалды аталар мен ақ жаулықты әжелер!!!
Әлихан мектебінің ұжымы сіздерді «1 қазан – Қарттар күнімен» шын жүректен құттықтайды.
Үлкенді сыйлау, оларға құрмет көрсету – ата-бабадан келе жатқан салтымыз. Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек.Себебі, әрқайсыларыңыздың еліміздің өсіп-өркендеуіне қосқан үлестеріңіз бен еңбектеріңіз ерен. Талай жасты тәрбиелеп, ізбасарларыңызды өсірдіңіздер. Бүгінгі күні еңбектеріңіздің зейнетін көріп отырған шақта да, Сіздер, ұрпақтарыңызға игілік пен ізгіліктің, пайым-парасаттың үлгісін танытудан жалыққан емессіздер. Қазақ халқы «Қарты бар үйдің – қазынасы бар» деп бекер айтпаған. Денсаулықтарыңыз мықты болсын, немере – шөберенің қызығына тоймай, ортамызда шат – шадыман күйде жүре беріңіздер! Мерекелеріңіз мерекеге ұлассын!
Құрметпен, Әлихан Бөкейхан атындағы № 76 жалпы білім беретін орта мектеп ұжымы:
Авторство:
