13.06.2012 күні мектебімізде қорытынды педагогикалық кеңес өтті. Кеңеске қалалық оқу бөлімінен Кенешова Райса Әміртаевна қатысты.
Кеңесте :

- Оқу-тәрбие орынбасарлары А.Т.Түсіпова  мен С.Ш.Сарсенбаева оқу үлгерімі мен ҰБТ нәтижелері  және алдағы мақсаттар мен міндеттер туралы айтып,есеп берді.

- Мектеп психологы С.А.Берлібекова  оқушылардың логикалық ойлау қабілетін дамыту жолдары,оқушы мен ата-ананы ҰБТ-ға дайындау әдістері бойынша атқарылған жұмыстарға тоқталып өтті.

- Мектептегі тәрбие бағыттары бойынша атқарылған жұмыстардың есебін  директордың тәрбие  орынбасарлары Б.Қ.Исайнова  мен А.Д.Далдабаева жан-жақты талдап өтті.

- Мектеп кітапханашысы Г. Сүлейменованың кітап қоры,оқырмандар туралы және алдағы мақсат міндеттер туралы есебі тыңдалды.

Сондай-ақ,кеңесте атқарылған жұмыстардын кемшіліктері де назардан тыс қалмады. Ол туралы мектеп директоры О.И.Бимендин  айтып өтті.Оқу бөлімі бастығының орынбасары Р.Ә.Кенешова  айтылған мәліметтермен таныса отырып, мектеп жұмысына ақыл-кеңестер мен сындар айтты,бағыт-бағдар берді.

Кеңес соңында хатшы С.И.Кулпейсова  кеңес шешімін жариялап, мектеп ұжымы бір ауыздан бекітті.