Көрнекті қоғам және мемлекет қайраткері, ұлт-азаттық қозғалысының негізін салушы және Алаш қозғалысының жетекшісі, Алашорда автономиялы үкіметінің төрағасы, публицист, ғұлама ғалым, әрі шебер аудармашы – Әлихан Нұрмұхамедұлы Бөкейхан өмірі мен қоғамдағы рөлін, қызметін жан-жақты терең зерттеу, тану, таныту, келешек жас ұрпаққа насихаттау мақсатында қараша айының 27 жұлдызында Әлихан Бөкейхан атындағы №76 жалпы білім беретін орта мектепте «Алаш Орда: Әлихан Бөкейхан және заманауи идеялар» қалалық  зерттеу жұмыстары конкурсы өтті. Зерттеу жұмыстары 4 бағытта  қорғалды:

1. «Алаш» партиясының тәуелсіздік идеясы және оның қазіргі таңдағы маңызы;

2. Алаш мұрасының зерттелуі және Алаштанушы ғалымдар;

3. Алаш қайраткерлерінің экономикаға және мәдени-ағарту ісіне қосқан үлесі, олардың қазіргі заманғы Қазақстан үшін өзектілігі;

4. Ә. Бөкейханның саяси-құқықтық идеяларының Қазақстан үшін маңызы;

     Семинарға Е.А.Бөкетов атындағы ҚарМУ доценті, тарих ғылымдарының докторы,профессор,«Тұлғатану» ғылыми–зерттеу орталағының директоры Бейсенбекова Нұрсахан Ахметовна мен  қалалық білім бөлімінің  әдіскері Балмағанбетова Шолпан Шаймерденовна келді. Іс-шараны мектеп директоры М.К.Кузембаев ашып, семинардың мақсатына тоқталды. Семинар өте жоғары дәрежеде өтті. Семинарға қатысушылардың барлығы I, II. III дәрежелі дипломдармен және Алғыс хаттармен марапатталды.