Өлкеміздегі халықтың ыстық ықыласына бөленіп жүрген өнегелі өмір жолдарын өскелең ұрпаққа өнеге тұтып, жастардың кітап оқуға құлшынысын, еліне, жеріне деген сүйіспеншіліктерін арттыру мақсатында мектебімізде қараша айының   27 жұлдызында   Е. А. Бөкетов атындағы ҚарМУ доценті, тарих ғылымдарының докторы, профессор, «Тұлғатану» ғылыми – зерттеу орталығының директоры Бейсенбекова Нұрсахан Ахметовнамен «Өнегелі өмір»  жобасы аясында  кездесу өтті. Нұрсахан Ахметовна өз кезегінде  оқушылардың шығармашылық қабілеттері мен ғылыми ізденістерін дамыту мақсатында Алаштың ұлы көсемі Әлихан Бөкейхан шығармаларының XV томдық кітабын мектеп  мұражайына тарту етті.  Кездесу барысында 9-10-11-сынып оқушылары көкейдегі сұрақтарына жауап алып, үлкен тәлім-тәрбие алды. Өнегелі кездесуде  Нұрсахан Ахметовна жүріп өткен өмір жолы туралы  оқушыларға баяндап, ғибратты еңбек жолынан  тартымды естеліктерімен бөлісті.  Кездесу кеші өте тартымды өтті.